Բանաստեղծություններ

Հանճարեղ երգաստեղծ Կոմիտասը հեղինակ է նաև մի քանի տասնյակ բանաստեղծությունների։ Դրանք նրա կենդանության օրոք չեն տպագրվել. պարզապես հեղինակն իրեն չի համարել բանաստեղծ և գրել է ինքն իր համար։ Երբեմն միայն՝ ամենամտերիմներից մեկի ալբոմում թողել է որևէ չափածո հիշատակ։ Կոմիտասի պոեզիան ավելի քան հասկանալի է դարձնում նրա մեղեդիների բյուրեղյա ոճը, երգերի խոսքերի մեծարվեստ մշակվածությունը, մտքի, հույզի անսահման խորությունն ու ձևերի ավարտուն հղկվածությունը։ Այս բանաստեղծություններն այսօր մեզ համար թանկ են ո՛չ միայն իբրև կոմիտասյան մասունքներ, դրանք մեր առջև պարզում են հեղինակի գրական֊գեղագիտական ըմբռնումները, անձնական մտորումները, ուստի հետաքրքրական և արժեքավոր են նաև Կոմիտաս-արվեստագետի և Կոմիտաս-մարդու նկարագրի ամբողջականացման տեսակետից։Լ.Միրիջանյան