የተቆለፈበት ቁልፍ

የታሪኩ ዋነኛ ገጸባህርያትን ተከትሎ በብዙ ሰዎች እና ቤተሰቦች ዙሪያ የሚያጠነጥነው ይህ ታሪክ በኢትዮጵያና በአሜሪካ የተከወነ ሲሆን በውስጡም ፍቅርና-ቅናት፣ ክፋትና-ደግነት፣ ጭካኔና-ርህራሄ፣ ድህነትና-ስኬት ይንጸባረቁበታል፣ ይፈራረቁበታል። ከገጠር እስከ ከተማ፣ ከቤት ቤት ይዞራል፧፧ በታሪኩ ዉስጥ የተቆላለፉ ጉዳዮች እስኪፈቱ አንባቢ ከራሱ አእምሮና አስተሳሰብ ጋር ፊትለፊት ይላተማል፧፧ የሰው ኑሮው፣ የቤተሰብ ደረጃውና የአገር ልኩ ከአስተሳሰብ እንደማይዘልና አስተሳሰብም ሳይቀየር የሰውን ኑሮ የሀገርንም መልክ መቀየር እንደማይቻል ማሳየት ብቻ ሳይሆን መንገድና አቅጣጫንም ይጠቁማል።